இயற்கையும் சிரிக்கும்

புல்வெளியில் பனித்துளிகள் புதுக்கோள வண்ணங்களில்

இலைவழியே ஒழுகிப்போய் தரைதழுவி வேர்நனைக்கும்

இதைத்தடுக்க எழும்புகின்றான் கிழக்கிலிள வெய்யோன்

அதைத்தடுக்க இயலவில்லை அந்தச்சிறு தாவரத்தால்

@

பனித்துளியை ஆவியாக்கிப் பரிதிமேல் எடுப்பதாலே

இனி எதிரி இவன்தான் எனச்சினம் புற்களுக்கு

கடுங்கோபம் அறிந்தநல் கதிரவனோ மனமிறங்கி

இடையிலே சந்தித்த எடையிலா முகிலிடம்

@

இரவலாய்த் தருகிறேன் முடிவிலே மழையாக

சொரிந்துநீ சினம்தணி தரைவளர் இனம்வாழ

அறிந்தபுல் செடியாகி மரமாகி கனிந்ததுவே

பரந்தவெளி ஞாயிறும் பாசத்தில் சிரித்ததுவே !