புதிதாகப் பாடப்புத்தகம் பெற்றோர் பெற்றுத்தர மாட்டார்கள்
புங்கங் கொட்டை
புன்னைக் கொட்டை
பொறுக்கிச்
சேர்த்து விற்று
போன ஆண்டு மாணவன்
படித்து கிழித்த
அட்டையில்லாப் புத்தகத்தை
ஆசையோடு வாங்கிப் பிரித்தால்
நரம்பெடுத்த நொச்சியிலை
நிறம் குன்றா மயிலிறகு
பாடம் செய்து வைத்திருப்பதைப்
பார்த்து ரசித்திடுவோம்
மயிலிறகு குட்டிபோடுமென
மாதம் பல நாங்களும்
அடை காத்திருப்போம்
ஆசைகளை .
(எனது "இன்னும் கேட்கிற சத்தம் " நூலிலிருந்து)
